【兒時回憶】LEGO砌出完美比例 BB戰士武者頑駄無

LEGO砌高達大家一定記得啦,砌 SD Gundam 都有唔少高手做過,不過 LEGO 去砌 BB 戰士就連日本都唔多覺眼。大約上個月尾比我發現有用開 LEGO 砌 Q 版機械人作品,香港 JC concept 嘅 Kaka Wah 原來搞緊隻 LEGO 版嘅武者頑駄無,當時都佢自己都仲話有排先完成,殊不知今日突然間就出現左隻原成品。

SD Musha Gundam By Kaka Wah aka  JC concept

就咁睇比例上就完全同 Legend BB 武者頑駄無一樣,唯獨一啲小細節好似頭盔上嘅釘同胸前嘅金色花邊未完全以 LEGO 製作,不過呢啲都係雞蛋中嘅骨頭。

近鏡睇清楚,兩邊膊頭仲多左少少裝飾,比起原版嘅膊頭只係得紅色來得冇咁單調

個刀鞘唔係裝飾,真係擺得返把刀落去架

 

Kaka Wah 仲透露左嚟緊會整埋《武者七人眾》嘅其餘 6 人,而武者頑馱無摩亞屈亦都著手砌緊,大家仲想佢之後砌邊隻嘅話,就記得去佢嘅作品 Page 度留言啦!

JC concept Facebook Page 傳送門

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 乜都識少少但係唔怕問唔怕學,周身刀冇張利嘅阿宅!

追蹤

更多文章