早前我地報導過 NETGEAR 最新 Router「XR700」嘅消息之後（詳文按此），唔少網友都話「4 千幾蚊呢個價錢唔係咁易入手！」，呢一點我地絕對理解，我地亦都好想知道，到底 XR700 係咪貨如其名真係咁好、值得收呢個價位，所以我地 VJGamer 尋日（11 月 11 日）就聯同有「香港街霸第一人」之稱嘅香港職業街霸選手 Humanbomb 舉行咗一次直播讀者活動：喺使用 XR700 嘅情況之下同各地網友聯機打《街霸 V》到底會唔會 Lag 機？

直播當日為 XR700 進行測試

直播場所當日同時有極多 Device 上緊網，喺 XR700「QoS管理機制」之下，佢會將遊戲嘅網路流量作為最優先處理程序，確保遊戲使用者能夠享有「唔 Lag 機零 Delay」嘅聯機遊玩體驗。直播測試當日，直播房外有同事同時打住 Online Game，Humanbomb 嘗試與網路玩家聯機對戰，流程依然非常順暢，可見 XR700 效能優秀！最緊要係：XR700 本身一開始已經預設咗「遊戲使用最優先」，用家唔再需要重頭設定，方便至極。

最重要係，屋企個 Wifi 流量可以完全由你控制，有呢個機能之後，Wifi 在你手，屋企其他人要 DL 劇集睇 Streaming，全部都要問過你吖！

本身已是 NETGEAR Router 用家嘅 Humanbomb 表示「真係好順喎！」

至於 XR700 另一個主打功能 Geo-filter，其實係透過選擇用家與對手及遊戲伺服器之間嘅距離，調整並全面控制網路遲緩問題，同時保證用家可以連線到最接近嘅遊戲伺服器，仲可以按用家喜好去篩選對面玩家同伺服器，咁上網打機可以預先 Blacklist 定啲網速令人不敢恭維嘅 Lag 機怪了～

仲有一點，如果你鍾意玩外國 Game 或者睇外國電視 Streaming，好多時都會覺得手動揀選 VPN 好麻煩；XR700 本身已經有極為頗大嘅 VPN 資料庫，對於 Gamer 黎講相信基本上去邊都暢通無阻了。

XR700 使用最新制式 802.11AD。一般黎講，大家平時見到啲 WiFi 主要都係分 2.4GHz 同 5GHz 頻譜，好多家庭電器（例如微波爐）都係使用 2.4GHz 頻譜，好多時都會干擾影響接收，所以 5GHz 頻譜就順應而生；但係近年 AC 制式越黎越普及，使用 5GHz 頻譜既裝置越黎越多，表現有越趨下降嘅跡象，所以 AD 制式嘅 60GHz 頻譜嘅出現，正正就可以滿足對品質有要求嘅用家。

咁速度表現又如何呢？

XR700 係使用 60GHz、5GHz 同 2.4GHz 三組頻譜同時運作。當中 60GHz 頻譜嘅理論速度，比起 5GHz 頻譜快足一倍有多；速度，喺電競呢個範疇係極重要既一環，加上 NETGEAR 出名穩定， 呢隻XR700 絕對夠做。

Spec 黎講 XR700 使用四核 1.7GHz 處理器，有 6 個 Gigabit LAN Ports，屋企有多 LAN 線裝置都唔驚。而佢使用 AD7200: 4600(AD)+1733(5GHz)+800(2.4GHz)Mbps 三組頻譜 WiFi 同時運作，加上有四條主動式天線，2個 USB 3.0 Port，而且 LAN 1 同 LAN 2 位仲支援 Link Aggregation「鏈路聚合」技術，仲有 1 個 10Gbps 級別 SPF+ 網絡連接埠，絕對可以滿足絕大部份玩家既需求！

直播當日，由於有 Humanbomb 坐陣，唔止香港，有唔少台灣、內地以及澳門玩家都熱烈參與「挑機比賽」。

根據 Humanbomb 嘅分享，佢話就算屋企已經用緊好勁嘅 Wifi，有時遇著一啲爛網嘅外地玩家，Lag 機就一定；今次活動 Humanbomb 唔止同本土玩家對戰，仲有其他地方選手，例如台灣知名玩家 Rock Pon：

三地玩家

與 Rock Pon 對戰

Humanbomb 與 Rock Pon 對戰幾次都落敗，事後佢都不禁笑言，「同台灣玩家打好少完全唔 Lag 機，太順，順到我唔慣！」當然佢只係講笑，但係對於身為職業選手嘅佢黎講，《街霸 V》呢種講求精細計算以及速度感嘅遊戲，對戰過程是否完美順暢，相信佢本人絕對清楚感受到了。

至於呢隻 XR700 好無用，Humanbomb 喺直播完咗之後，仲留低係咁研究隻 Router，仲明言「好想要一隻返去打機」咁話，一開始佢曾經都講過「四千幾蚊有啲貴」，但係實測完之後，佢都不禁改口風話「貴，但係我都會想買」！

相信佢有咁嘅反應，我地都唔需要再多講。

NETGEAR XR700 特點
● 全球首款 AD WiFi 電競路由器
● 4 根主動式天線信號更強更穩
● 2.4GHz / 5GHz / 60GHz 三頻傳輸
● 支援乙太網鏈路聚合技術
● 提供 10Gbps 級別 SPF+ 插槽
● 專屬 DumaOS 電競優化系統
● 自定流量分配準則，想邊個快就邊個快

想重溫我地直播測試嘅朋友，可以睇呢度：

【銷售地點傳送門】
【XR700 官方商店】

最後送上 XR700 官方介紹短片：