雖然唔少玩家都係由《薩爾達傳說 曠野之息》先接觸呢個系列，但係咁多年黎《薩爾達傳說》其實仲有好多出色作品，當中係 2011 年於 Wii 上面推出既《薩爾達傳說 天空之劍》曾經得到外媒 IGN 同 Fami 通滿分評價，遊戲質素完全得到證明，而呢隻咁優質既遊戲而家傳出有望推出 Nintendo Switch 版！

事源係早前係大阪舉行既「《薩爾達傳說》音樂會2018」，係音樂會無意中爆出相關訊息。

當晚有位網友係 Twitter 上就提到，擔任音樂會主持人既嶋村侑（佢同時係擔任《天空之劍》、《曠野之息》塞爾達公主聲優）話：「我想再玩一次《薩爾達傳說 天空之劍》！如果可以係 Switch 度推出就好啦了……」，呢句好似講比任記聽既說話。

・数曲前の嶋村さん「スカイウォードソードまたやりたくなりますよね！ switchで、出たらいいのになぁ…(控えめボイス)
・青沼さん登場後の嶋村さん「botwの秘密について聞きたいと思います(←うろ覚え)」
青沼さん「スカイウォードソードのswitch版についてはいいんですか？」
私と友人「「！？」」

— 初香泉 (@mizuirostregone) November 25, 2018

當然如果只係就咁講一句，都可能無乜特別，但係當演奏完幾首歌曲之後，《薩爾達傳說》系列製作人青沼英二竟然登上舞臺！當嶋村侑同青沼英二講到有關《薩爾達傳說 曠野之息》秘密時，青沼英二竟然反問返佢「可唔可以講《薩爾達傳說 天空之劍》Switch 版相關野？」，當然在場既大家都出現「！」，雖然唔算係正式公布，但係當佢咁講得，同直接認咗有呢個計劃無乜分別。

隨住 Nintendo Switch 大賣，加上《薩爾達傳說 曠野之息》極度好評，係呢個時候考慮移植《薩爾達傳說 天空之劍》都係正確既考量，雖然未知係就咁移植、HD化定係重製，但係都夠晒大家高興啦，希官方快啲有正式既公告，等未接觸過《薩爾達傳說 天空之劍》嘗試下呢隻要用體感玩既《薩爾達傳說》！