【台北電玩展2019】出奇地有誠意 《SD Gundam G Gen Cross Rays》試玩後感

係台北電玩展既 Bandai Namco Entertainment 攤位首次展出《SD Gundam G Generation Cross Rays》同埋《超級機器人大戰 T》,我地分別都有試玩,呢篇就主要講 G Gen 新作。一般黎講就算出新作,大家都係期待佢有咩新作、新機加入,戰鬥畫面等等要求大家都係預咗換湯唔換藥。不過勢估唔到,《SD Gundam G Generation Cross Rays》竟然有唔少新畫面,出奇地有誠意!

 

 

《SD Gundam G Generation Cross Rays》將由四個世界交錯構成遊戲主軸,四個作品分別係《機動戰士 Gundam W》、《機動戰士 Gundam SEED》、《機動戰士 Gundam OO》同系列首次登場既《機動戰士 Gundam 鐵血孤兒》,四套作品入面既角色以及機體均會登場,而係現場片段所見就連「殘命鋼彈」都有得用,唔知有無得用機師艾因(腦狀態)呢。

 

活動請黎超人氣聲優田中理惠(拉克絲 / 美雅)、保志總一郎(基拉),開發總監宮城嘉樹、製作人塚忠健介

本作係屬於前者「原作追溯體驗型」

 

雖然試玩版只有一關內容,試唔到啲乜,系統方面比你玩既部份就同上集一樣,未見有大分別。不過戰鬥畫面部份應該就有汲取玩家意見,重新製作之餘仲加入大量 CG 及聲優配音。如果成功擊破敵機的話,仲會有額外 Cut In 畫面同對白,而且呢部份連原創機師都有!我地就試過用 Mark 哥渣鳳凰高達擊破敵機,同樣都有 Cut In,誠意度滿分啦!

 

角色配音及 CG 數量大幅上升

 

 

 

 

每位角色都有勝利畫面

大天使號射陽電子炮都靚咗

Bouns Step 又點少得,依然健在

其他操作同上集一樣

 

另外製作人係事後既媒體訪問環節內,有提到本作機體會比起前作更多,同時亦都會平衡每一個世界所登場既機體數量。至於係會場內仲播出由基魔聲優保志總一朗配音既「卡納德‧帕爾斯」(駕駛機體 Hyperion gundam),會唔會係以 DLC 型式登場,會唔會有更多機體以 DLC 型式推出,製作人就未肯透露,不過大家玩開既都估到會係點啦……

 

新機「演唱會版渣古戰士」,有招收兵攻擊非常過癮!

基魔聲優保志總一朗配音既「卡納得‧帕爾斯」及駕駛機體 Hyperion gundam

鐵血孤兒系列首度登場,仲有大哥用!

 

由於只係試玩版,無辦法入到去選關同改機畫面,唔知有咩改動,不過根據往績,G Gen 系列應該只會越出越易玩……希望今集可以解決到後期玩家機體太強導致遊戲難度下降呢個問題啦。

《SD Gundam G Generation Cross Rays》繁體中文版將於 2019 年推出,對應平台為 PS4、Nintendo Switch 以及首次登陸既 PC Steam。

 

《SD GUNDAM G世代 火線縱橫》參戰作品清單(☆:原創收錄作品)

☆《新機動戰記鋼彈W
☆《新機動戰記鋼彈W G-UNIT
《新機動戰記鋼彈W BATTLEFIELD OF PACIFIST》
《新機動戰記高達W Endless Waltz 敗者們的榮耀》
☆《新機動戰記鋼彈W 無盡的華爾茲》
☆《機動戰士鋼彈SEED》
《機動戰士鋼彈SEED MSV》
☆《機動戰士鋼彈SEED ASTRAY》
《機動戰士鋼彈SEED ASTRAY R》
《機動戰士鋼彈SEED ASTRAY B》
☆《機動戰士鋼彈SEED XASTRAYㄒ
☆《機動戰士鋼彈SEED DESTINY》
《機動戰士鋼彈SEED DESTINY-MSV》
《機動戰士鋼彈SEED DESTINY ASTRAYㄒ
☆《機動戰士鋼彈SEED C.E.73 STARGAZER》
《機動戰士鋼彈SEED C.E.73 ⊿ASTRAY》
《機動戰士鋼彈SEED FRAME ASTRAYS》
《機動戰士鋼彈SEED VS ASTRAY》
《機動戰士鋼彈SEED DESTINY ASTRAY R》
《機動戰士鋼彈SEED DESTINY ASTRAY B》
☆《機動戰士鋼彈00ㄒ
《機動戰士鋼彈00P》
☆《機動戰士鋼彈00F》
《機動戰士鋼彈00I》
《機動戰士鋼彈00V》
《機動戰士鋼彈00V戰記》
☆《劇場版機動戰士鋼彈00 A wakening of the Trailblazer》
《機動戰士鋼彈00I 2314》
☆《機動戰士鋼彈 鐵血孤兒》
☆《機動戰士鋼彈 鐵血孤兒 月鋼》
《SD鋼彈GX》

 

 

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章