又有得做壞人 仿 GTA 作品《American Fugitive》全平台發表

GTA 系列應該無人唔識,佢既成功令到好多廠商爭相仿傚,今次介紹呢隻《American Fugitive》(美國逃亡者)亦都係參照 GTA 模式製作。不過佢參照既對象就唔係大家見慣見熟既《GTA V》模式,而係反璞歸真,參照返初期 GTA 1,2 代模式,出奇地感覺又幾唔錯。

 

 

《American Fugitive》遊戲由 Fallen Tree Games 所開發。故事背景發生係 1980 年代,一個位於北美叫做 Redrock Contry 既虛構小鎮。而我地既主角 Will Riley 就因為被指控殺害自己父親,而被監禁係度。不過 Riley 其實係比人屈的,為咗搵出真正既兇手,所以決定越獄並且向陷害佢既人復仇。

 

 

由於玩家係逃獄犯,所以係整個遊戲過程都需要避開警察,並且參與係社區中出現既各種犯罪活動。遊戲屬於開放世界,並且可以自由探索及破壞,感覺同《GTA》非常類似。不過畫面就採用類似初期 GTA 既俯視角度,亦都有得偷車搶車,仲可以好似 GTA 咁揸到架車炒上屋頂,非常過癮!

 

 

《American Fugitive》預計於 2019 年正式發售,對應平台為 PS4 / Xbox One / Nintendo Switch / PC。

五木

動漫電玩宅,極愛金田一系列,擅長動作及策略遊戲

追蹤

更多文章