【港台交流】LEGO鬥陣特攻系列創作比賽 台灣暴雪電競館見證總冠軍誕生

啱啱過去嘅週末喺台灣舉行埋四地最後一場『鬥陣特攻系列創作比賽』嘅聚會同頒獎禮,今次係 LEGO 同 Blizzard 兩間公司首次嘅合作而衍生嘅活動,最後決定係台灣嘅暴雪電競館舉行算係別俱意義!現場亦展出所有得獎作品,由當日到 4 月 10 號擺喺電競館中展出,去開台灣嘅朋友就當然要去朝下聖!

香港地區嘅多個代表都有到場參加

台灣得獎作品代表當然都嚟齊啦

喺活動前一日其實已經公佈左台灣地區冠軍,代表台灣同四地較量嘅係由 樂高七號 LEGO7 Hsinwei Chi 以及 歐弟玩創作 ZiO Creation Zio Chao 獲得

而同時亦公佈四地總冠軍得主,最終四地評出最高分作品就係由香港地區 Herbert 加上 Kaka Wah 嘅 Reinhardt 同 Pharah 成為四地總冠軍!恭喜香港代表!

兩地冠軍人馬仲一齊喺作品面前合照同交流作品心得

現場兩地製作人除左分享製作歷程,Mocer League 主理人 Cid 問到大家最想創作Blizzard邊個主題作品,不約而同都係想以 War Craft 場景做題材!

嚟得到電競館,大家又砌過 Overwatch 主題,點都要打返場睇下大家打機又有冇砌 LEGO 咁厲害

同場仲由 Cid 教大家砌 Minifigure Size 壁壘機兵 Bastion,如果你都想知 59 件組件點砌得到, 過兩日留意住 摸顆粒 Mocer League Facebook Page

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章