FromSoftware 今年推出嘅遊戲《隻狼：暗影雙死》極之出色，呢點應該無人有異議（可以睇返詳細評測）。遊戲入面所描寫嘅戰國時代充滿住各種傳說以及謎團，雖然大家都靠住蛛絲馬跡去拼湊返整個故事大概，但係當中仍有大量空白地方未能填補，不過《隻狼：暗影雙死》外傳漫畫正式上線啦，想追故事既朋友千萬不能錯過！
《隻狼：暗影雙死》外傳漫畫名稱叫做《隻狼外傳：不死半兵衛》，由曾經負責《魔物獵人 閃光獵人》嘅山本晉負責作畫，FromSoftwar 監修。故事描述戰國時代「劍聖」葦名一心創建國家時，遇上一位武士嘅外傳故事。
不過係今次外傳故事主角並非「劍聖」葦名一心，亦都唔係沙包葦名玄一郎，反而係大家係遊戲入面都好少搵佢既落魄武士半兵衛，即係唔會死比你練劍果位人兄丫！到底佢點樣成為不死身，又經歷過咩事呢，有興趣嘅朋友就留意住 Comic Walker，現時已經有第一話供人免費觀看，下一回連載預計於 6 月 27 日上線，估計會以一個月一話嘅速度連載，順帶一提台灣角川獨家取得中文化版權，相信之後會推出單行本。
動漫電玩宅，極愛金田一系列，擅長動作及策略遊戲