今次「Nintendo Direct E3 2019」裡面最令玩家興奮嘅新消息，相信絕對係官方宣佈《薩爾達傳說：荒野之息》（The Legend of Zelda: Breath of the Wild）嘅續篇正在開發中！

喺活動上面，官方展示遊戲第一條概念影片，不過目前劇本走向、推出日期等等，似乎都唔會咁快有新消息住。

由於 Switch 平台今年往後黎緊嘅遊戲數量都多，當中仲有唔少係注目重點作品，所以大家都無預料到居然會有《Zelda》系列方面帶黎嘅驚喜！

片段裡面，見到 Link 一行人深入神秘神殿，似乎今集作品又會遇上一連串令人著迷嘅新謎題。

《薩爾達傳說：荒野之息》（The Legend of Zelda: Breath of the Wild）》係 2017 年嘅 Game Of The Year，亦都係 Switch 剛剛推出時首批作品；操作模式善用 Switch 機能之餘，遊戲本身嘅故事同埋遊戲性都極高，相信除左我地編輯部，在座各位朋友都會認同佢係一隻不可多得嘅經典好玩作品。

續集有更多新消息，我地會再同大家分享。