【活動推介】LEGO Iron Man方舟反應爐製作坊

《Spider-Man: Far From Home(蜘蛛俠:決戰千里)》都上埋,但相信好多 Iron Man Fans 到今日都仲好掛住呢位超級英雄。有啲人會儲返佢啲 Figures、玩具,有啲砌 LEGO 有咁上下能力嘅朋友可能會砌啲作品出嚟,就好似之前 Kenny 所製作嘅 Iron Man 基地。不過我知香港地大家玩 LEGO 都係砌 Set 或者跟住網上教學砌,但最終都係自己匿埋砌完最多放上網同網友 Share 下就算。

但如果有晒組件可以同朋友一齊學一齊砌,快快手手幾個鐘完成到個用 LEGO 件砌、有埋燈嘅 Iron Man Arc Reactor 工作坊,唔知大家又有冇興趣參加呢?

仲可以拆開個座放喺胸前扮 Iron Man

呢個 LEGO 版 Iron Man Arc Reactor 工作坊喺 6 月中已經舉行左第一輪,咁啱我地同場有三位文質彬彬但唔願露面嘅型佬(佢地話驚比海關認得XD)。三位大學教授級型佬瓏小生,明明應該好懂得享受生活,點會約埋走嚟呢個 Workshop 砌 LEGO?

原來三個小生各有儲開唔同嘅 LEGO 系列產品,平時最多都係傾下有咩新產品、新玩意,坐埋一齊砌 LEGO 都係第一次。佢地覺得喺呢個 Workshop 可以大家一邊交流一邊砌,雖然唔會有製作書比你,但乜野組件都準備好,就好似啲少女或者太太去整蛋糕、Art Jamming一樣,不過佢地就喺用 LEGO 去砌作品。

整完出黎 Arc Reactor 成件模型裝飾咁,擺係檯頭又得,當夜燈又得,放Display櫃亦得!得左! 由工作坊嘅體驗,到拎走完成品返屋企,短短幾個鐘入面唔單只有一種滿足感,仲有份兒時一班朋友一齊玩玩具嘅童真同愉快。

嚟緊仲有 Mark 52 版本嘅製作,如果你都對 Iron Man Arc Reactor 工作坊有興趣的話,快啲 Whatsapp 去 95784642 查詢詳情啦!

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enought! Lego Enthusiast https://goo.gl/HRnxDW

追蹤

更多文章