【遊戲新聞】 Rockstar 內部爆料 《Bully 2》將於下年推出

Rockstar 眾多遊戲入面,最受玩家歡迎嘅首推當然係《GTA》系列,緊接其後嘅相信都會係《Bully》。有校園版 GTA 之稱嘅《Bully》自從 2006 年推出之後,一直都 Keep 住有人傳話會出續集,但係咁耐都未有聲氣。不過今次可能真係會出啦,因為據稱今次嘅資料係由 Rockstar 內部人員爆出!

 

 

自從《Red Dead Redemption 2》推出之後,大家都好期待 Rockstar 下一隻作品會係咩,日前專門爆 Rockstar 料而且命中率極高嘅 YouTube Channel SWEGTA 就話收到內部人士消息,指出下一款作品將會係《Bully 2》,而且仲會係 2020 年尾時推出,對應機種除咗有 PS4 同 Xbox One 之外,仲會跨世代登上 PS5 以及 Xbox Scarlett(奇怪地無 PC)。

 

 

至於爆料人點解唔公開身份增加可信性,亦係沿於 Rockstar 保護消息嘅政策,廠方過去曾經採取保護性法律措施去阻止洩密者,所以 SWEGTA 相信消息來源係可靠的。考慮到 SWEGTA 過去爆料準確度,加上之前 Rockstar 內幕人士 Yan2295 喺 2017 年所講過嘅說話吻合,消息正確的話相信今年內就會睇到官方公開相關消息。

 

 

現時外國討論區及 Twitter 都熱烈討論緊呢件事,亦都再次證明玩家們對續集嘅期待,希望唔好令到大家好夢成空啦。

 

 

五木

五木 動漫電玩宅,極愛金田一系列,擅長動作及策略遊戲

追蹤

更多文章