【遊戲新聞】共產黨打到黎! 官方以極權消滅全數香港公會

一直都有好多人以為只要乖乖聽話,守規則,就唔會受到無理對待。不過事實往往唔係咁,尤其係中國話事嘅地方。琴晚手遊《第二銀河》(Second Galaxy)就發生一件遊戲界前所未見嘅事情,基本上等同宣告「香港人就是原罪」!

 

 

《第二銀河》係一款融合 RPG 及 SLG 元素嘅開放世界太空星戰遊戲,本來因為設定獨特而吸引唔少玩家入坑,由 Zilong Game Limited 製作。而琴晚發生嘅事源係一個擁有 8 個軍團,過千名香港玩家嘅香港聯盟,本身預定喺晚上十點打 NPC 大團戰,但係大約 九點五十分時突然各軍團長收到系統訊息,表示帳號已被「託管」,並且無法登入。

 

 

可怕嘅事情並未完結,軍團長帳號被接管後,官方以軍團長權限將所有團員踢走,並且解散所有軍團。而且根據各團長所言,雖然軍團名叫「Liberty」,但佢地並非宣揚港獨,內部更一致達成共識,不予對挑釁行為作政治反應,而各團長亦贊成聯盟並非打港獨旗號,並且盡量遠離中國人。

 

有課金都要死!

 

奈何大陸人仍然誣蔑佢地為港獨份子,官方亦以危害中國國家安全為由,無理進行上述行為,遊戲界真係前所未見!相信係官方眼中「香港」二字已經足夠危害中國國家安全!

 

今時今日已經有好多遊戲背後由中國公司控制,以現時情況出現第二、第三單絕對唔奇,身位香港人被針對似乎已經係使命,印證「你唔理政治,但政治會搵你」!

五木

五木 動漫電玩宅,極愛金田一系列,擅長動作及策略遊戲

追蹤

更多文章