【TGS 2019】《傳奇》系列 25 周年迎來全面革新《Tales of Arise 破曉傳奇》變身靈活動作 RPG

 

如果你係 RPG 愛好者,相信今年 TGS 最令你期待嘅其中一隻遊戲,《Tales of Arise 破曉傳奇(TOArise)》絕對榜上有名。作為《Tales of》系列 25 周年嘅作品,今次 Bandai 亦都好想為遊戲帶來革新,所以,無論係系統抑或畫面表現,都將會同以往嘅《Tales of》遊戲有極大不同。

《Tales Of Arise》嘅簡稱,並唔係「TOA」,而係「TOArise」;官方之所以強調「Arise」呢個字眼,有兩個原因。第一係配合故事:到底一直受到壓抑嘅男主角星球「達納」,可唔可以掘起反抗壓榨者星球「雷納」?呢一段劇情,官方認為帶有「破曉(Arise)」嘅意味,所以選擇左呢個字眼。

 

 

而第二點,係官方對於改革《Tales of》系列嘅決心。

今次遊戲嘅製作人富澤祐介先生,同時係歷代《God Eater 噬神者》系列嘅製作人,雖然回合制式係 RPG 遊戲嘅常見模式,但係,隨住科技進步,而團隊擁有豐富製作動作遊戲嘅經驗,所以《Tales of Arise》係一隻 ARPG,有比舊作更多、更靈活嘅動作元素,所以官方表示,遊戲公佈以後,唔少本身唔係《Tales of》Fans 嘅玩家都對遊戲表達興趣。

 

製作人富澤祐介先生

 

雖然今年 TGS 2019 仲未有《Tales of Arise》嘅試玩版本提供,不過官方表示,黎緊會好快同大家公佈遊戲嘅戰鬥系統資料,以及更多關於遊戲嘅情報;有最新消息我地會再同大家跟進。大家可以睇住以下呢條片參考先:

 

 

《Tales of Arise》暫定於 2020 年繁體中文版發售。

延伸閱讀:
【E3 2019】臨場戰鬥感極度加強《Tales of Arise 破曉傳奇》惑星之戰 2020 年繁體上市

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章