【遊戲新聞】台灣製作恐佈遊戲《打鬼》 探秘現實存在鬼屋

恐怖 Game 無論邊個年代都係最受歡迎嘅遊戲類型之一,如果當中夠地道或者有中式味道嘅就更受港台玩家歡迎(例如《返校》、《還願》)。黎緊十月就有一隻台灣製作嘅恐怖遊戲《 打鬼 PÀ GUì 》推出,其中一個賣點就係製作團隊實地考察現實存在鬼屋,再重塑作為遊戲舞台登場,淨係呢點已經夠晒吸引!

 

 

《 打鬼 PÀ GUì 》由 Padendon 團隊開發,當初登上嘖嘖募資平台眾籌,因主打非對稱多人連線玩法(官將首打厲鬼)而被受注目。而且製作團隊親身去台灣三大鬼屋實地考察,再用 Unreal Engine 4 製作。呢三間鬼屋分別係「台北瑞方戲院」、「嘉義民雄鬼屋」、「台南杏林醫院」。

 

又稱《劉家古厝》,白天為民雄最著名的觀光景點,到深夜就變成台灣最兇猛的鬼屋之一。民雄路邊也隨處可見亂葬崗,墓碑新舊交織,也為一大特色,故也加入打鬼的民雄場景中。

保留最多當年原貌的鬼屋,彷彿走進時光精神屋,回到三十年前的老戲院,雖帶有古意卻又令人生懼。同時,這也是最破舊最壯觀的鬼屋,室外是炎熱的高溫,室內卻有如冰冷的冷氣房,極度詭異。當地人還特別叮囑下午三點後別再進去….

自1993年停業之後靈異傳聞不斷。牆壁上與窗戶上貼滿各式宗教的驅邪物品,是所有鬼屋中最多的。也是唯一一間在大白天正中午室內就能讓製作人身體不適的鬼屋,想馬上離開這裡的壓迫感。

 

遊戲故事係真人真事改編,所以會包含台灣文化及相關嘅歷史背景。故事發生於台灣早期年代,一位被宮廟收留嘅孤兒無意中間聽到自己身世,於是佢就瞞著宮廟離開,踏上「奇幻之旅」。遊戲為3D 動作冒險遊戲,採用第三身視點遊玩。玩家可以一直成長,由開頭要靠匿藏避開啲怪物,然後慢慢成長到可以擊敗佢地,從而發掘埋藏於鬼城嘅真相。

 

 

另外現時雖然係先推出劇情模式,但係官方並無講過取消多人連線玩法,相信大家仍然有機會試下中式嘅 3 vs 1 不對稱對戰玩法(三位捉鬼天師「官將首」對一隻「厲鬼」),期待官方進一步消息。

《打鬼》暫定於 10 月 5 日推出,暫時只有 Steam 版本,對應繁體中文。

 

五木

動漫電玩宅,極愛金田一系列,擅長動作及策略遊戲

追蹤

更多文章