多次延期搞到無乜人記得嘅 Nintendo Switch 版《勇者鬥惡龍 XI 尋覓逝去的時光》，原來今個星期就會正式見街。而 SQUARE ENIX 早前亦都公佈 Switch 版入面，可以喺歷代《勇者鬥惡龍》世界中冒險嘅「冒險之書世界」最新情報。

Nintendo Switch 版《勇者鬥惡龍 XI 尋覓逝去的時光》後面會加多個「S」字，代表係 Switch 版咁解。咁呢本「冒險之書世界」會將《勇者鬥惡龍 VIII》、《勇者鬥惡龍 IX》、《勇者鬥惡龍 X》三隻本身係 3D 嘅作品，以 2D 方式重製，而音樂亦都以類似 NES 音樂方式重做。另外喺「冒險之書世界」會得到外觀裝備，喺 3D 模式時外觀亦會出現變化，不過就未知當中可得到嘅外觀裝備數量，如果得果十幾件就真係徙氣。

《勇者鬥惡龍 VIII》

《勇者鬥惡龍 IX》

《勇者鬥惡龍 X》

外觀裝備

要去「冒險之書世界」需要搵到分散世界各地嘅 ヨッチ 族人，由佢地口中獲得所需嘅暗號，再去到 ヨッチ 村先可以進入該暗號對應嘅世界。

搵ヨッチ 族人得到相關暗號

再去 ヨッチ 村就可以進入該暗號對應嘅世界

《勇者鬥惡龍 XI 尋覓逝去的時光 S》預計於 9 月 27 日發售，遊戲將新增英日語音，並且對應繁體中文，本作只有 Nintendo Switch 版本。