【遊戲新聞】台灣撐香港聲音持續・暴雪周末台灣 WOW 15 週年慶祝活動宣佈延期

 

暴雪於 10 月 16 日宣佈,原定於本周末於台灣舉行嘅《World of Warcraft(魔獸世界)》15 週年慶祝派對,將會延期舉行。

《WOW》係一隻好遊戲,相信大家都唔會反對;而《WOW》對好多資深玩家黎講,都有各種唔同意義,或者,喺遊戲中識到好多知心朋友,又或者,令你搵到歸屬感。

不過,由暴雪判決賽事勝出者聰哥(#blitzchung)因為高呼「光復香港,時代革命」要停賽一年兼沒收獎金後,就算事後暴雪嘗試補救,都已經令到國際玩家明白暴雪已選定紅色資本立場,「Every Voices Matter」只係說好聽的。

暴雪於《WOW》Facebook 上面宣佈活動延期,同埋早前我地報導過美國任天堂《Overwatch》發售活動取消,網友反應,係一樣的。「不了」「不要緊已經不會再玩了」「共雪」等等留言,不絕於耳;而當中更大部份的留言,如下。

 

 

外媒 Polygon 向暴雪查詢活動取消原因,係咪與玩家支持香港(support for pro-democracy protests in Hong Kong)有關,不過暴雪就無回應到呢個提問;至於《WOW》15 週年活動會延期到幾時,官方目前亦未有確切日子;又,《WOW》首次推出日為 2004 年 11 月 23 日,唔知呢一日之前會唔會成功舉辦到?

網友 #BoycottBlizzard 行動亦未止息,由於下個月就係 BlizzCon,有玩家揚言會準備標語入場「和平舉牌」,亦有玩家發起抗議活動到會場示威。到底一直係遊戲界其中一個盛事嘅 BlizzCon,下個月會係點嘅一個模樣?我地會繼續跟進。

 

相關文章:

【電競新聞】再有美國大學爐石隊伍因為撐香港被暴雪禁賽六個月!
【遊戲新聞】暴雪叫停美國 Switch 版《Overwatch》發售活動・驚有人再舉牌撐香港?
【遊戲新聞】暴雪員工持傘於公司門口罷工抗議!反霸權・撐香港!
【遊戲新聞】暴雪對香港選手聰哥嘅懲罰導致全球炎上!多謝暴雪 We Connect

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章