【遊戲新聞】或者我地都需要一點笑聲《為美好的世界獻上祝福》手機版事前登錄開始

 

大熱作品《為美好的世界獻上祝福》即將推出手機版本歷險遊戲,對應 iOS 以及 Android 平台,預計 2019 年冬天正式上架;遊戲目前於日本方面即日開始進行 Beta Test,而對外嘅【事前登錄】就已經開始左。

 

 

遊戲為官方原創故事,劇情全部都有語音對應(Full Voice),一諗到可以又聽到雨宮天耍白痴就好想快啲有得玩!角色仲要係 2D 動態模組,似乎可以重現角色嘅顏藝……

 

 

同時,遊戲並唔係淨係得 AVG,亦會有 RPG 戰鬥模式,玩家可以選用自己喜愛嘅角色搭配戰鬥隊伍;牽絆值高嘅角色,據說仲會有攻擊打乘。

 

 

有興趣想要事前登錄嘅朋友可以【去呢度】。

至於 OVA 版本《為美好的世界獻上祝福 紅傳說》目前香港現正大熱上映中!早前放映商喺 FB 上面都有大力宣傳呢套電影,講明智障嘅都係藍色,女神真係躺著也中槍。難得佢地用字如此貼題,真係要極力鼓勵大家入場去睇戲!

 

 

相關文章:

【讀者投稿】如果中二病有顏色,那一定是紅色 《為美好的世界獻上祝福 紅傳說》觀後感

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章