【遊戲新聞】扮演耶穌開放世界 RPG《I Am Jesus Christ》派米治水救阿婆仲要打惡魔

 

耶穌大戰佛祖格鬥遊戲大家聽得多,今日同大家介紹多隻耶穌主題遊戲,名為《I Am Jesus Christ》,玩家如遊戲名字一樣,將會飾演「耶穌」到處施行神蹟打救世人。

《I Am Jesus Christ》由 PlayWay S.A. 發行,而 PlayWay S.A. 咁耐以黎都發行唔少模擬類型嘅遊戲,例如係《Thief Simulator》要玩家扮賊、《Cooking Simulator》要玩家做廚……而今次嘅《I Am Jesus Christ》就要玩家扮耶穌。

 

 

就算係唔係基督教徒,相信大家有聽過耶穌嘅故事,於遊戲入面,玩家就要用你嘅神力,周圍去幫人救人,令佢地「蒙神感召」受感動而成為你嘅信眾。

遊戲裡面可以進行嘅奇蹟體驗共有三十幾種形式,例如幫阿婆醫病、大玩五餅二魚、叫停風暴、仲有驅鬼打撒旦,全部都係《聖經》裡面有記載過嘅故事。

 

 

不過,喺遊戲中入面嘅穌哥,你嘅神力係有限的,神力就等同你嘅生命值,用哂啲神力就要釘十字架 GG 了;不過話哂都係神,三日後復活就係一條好漢,死過返生就會神力重新充值,又可以再戰江湖!

 

 

《I Am Jesus Christ》對應 Steam 平台,目前未有確切上架日期,有興趣想模擬行下神蹟嘅朋友可以去 Steam 專頁度留意下!

 

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章