【遊戲新聞】《死亡擱淺》剛剛上岸,小島秀夫已經努力計劃緊下隻新作品

 

小島秀夫獨立後成立嘅 Kojima Productions 雖然剛剛先至推出工作室第一隻作品《Death Stranding 死亡擱淺》,不過,一直諗頭多多嘅 Kojima 大神又豈會止步於此!小島監督於 12 月 23 日就發左一條 Tweet,表示全公司都無哂人,不過自己仲一條友喺公司構思緊下一隻新作品嘅大綱。

 

 

Kojima Productions 可以話係集合左唔少遊戲開發界別嘅精英,你見佢地由成軍、去到完成製作《Death Stranding》用嘅時間亦都算係非常快捷,相信如果小島監督真係完成構思嘅話,大家好快又會聽到佢地下一隻作品嘅消息。

 

 

而佢地首隻作品《Death Stranding》已經於 2019 年 11 月 8 日推出,為一隻極具電影既視感嘅冒險遊戲,玩法頗為另類,劇本一致被玩家評為具有深度;雖然玩慣激烈動作遊戲嘅朋友或者會覺得佢略嫌欠缺遊戲性,不過由畫面呈現到劇本構思,都係一隻非常有藝術感嘅作品。

相關文章:

【遊戲評測】小島神降臨!《Death Standing》打造拯救世界的速遞員!
【遊戲新聞】美國著名主持人 Conan 受小島邀請成功變成《Death Stranding》神秘角色
【遊戲新聞】小島神疑似鋪路落 PC《DEATH STRANDING》靜靜雞從 PS4 獨佔遊戲區移除

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章