【遊戲新聞】二戰唔係只有射擊類型 《Broken Lines》孤軍深入敵陣的恐懼

講到二戰遊戲,多數人都係諗起《Battlefield》系列呢類射擊遊戲,又或者係《Command and Conquer》即時戰略遊戲類。今次介紹嘅新作《Broken Lines》係一隻戰術角色扮演遊戲,用另一種玩法去感受軍人嘅感受,日前官方就正式推出劇情預告。

 

 

《Broken Lines》以二次世界大戰為背景,玩家將負責帶領八位小隊隊員脫離險境,屬於戰術角色扮演遊戲。

故事由墜機開端,整個小隊被逼降落於敵方陣地,因為發生事故所以並唔會有任何情報或者黎自友軍嘅支援。面對呢種絕望、恐懼嘅情況,整個團隊必需同心協力以及策略先可以達成目標。留意本作係角色扮演遊戲,每位士兵都會有自己個性同諗法,有人會奮勇作戰、有人會氣餒、有人想待救援、有人想捉鬼睇下咩人搞到墜機。而玩家扮演嘅就係幫佢地決定行動,係應戰定係迴避,而每個決定都會影響遊戲故事以及邁向邊一個結局。

 

 

《Broken Lines》預計於 2020 年二月推出,對應平台為 PC(Steam / GOG)、Nintendo Switch。

 

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章