芒亨（Monster Hunter World : Iceborne）推出已經好一段時間，熱度自然大不如前。系列慣例推出幾個月後，大家要嘅裝都打得七七八八，然後就會開始玩啲特別野，例如係多人演武咁。日前 YouTube Channel「Team Darkside」就放咗條四人演武片出黎，成場同步率超高仲娛樂性十足！

「Team Darkside」條片係四個玩家著上「隆」外觀，手握太刀「超鋼鐵十字鎬」進行「狩獵斬龍」任務。由營地出發到完場只係用咗大約 2 分 50 秒左右，本身實力已經好強，更強嘅係四位玩家整場動作大致相同，同步率極高。無論拔刀、收刀、甚至氣刃兜割都接近同時使出，好似用緊影分身一樣，觀賞性極高，搞到我睇完就決定今晚返去開 Game 玩。

《Monster Hunter World : Iceborne》已經推出，對應平台 PS4 / Xbox One / PC。