【遊戲趣聞】《七龍珠 Z 卡卡洛特》剛剛推出已經有 MOD!悟空轉身變成隻癲鵝

 

唔知大家有無入手剛剛於 2020 年 1 月 16 日推出市面嘅動作遊戲《七龍珠 Z 卡卡洛特》?呢隻同時登錄 PS4、XBox One 以及 PC 嘅大 IP 遊戲,推出不久,根據 日本 IGN 嘅報導,網友 Mastaklo 已經急不及待幫佢整左個 MOD,仲要係早前推出後就大受歡迎嘅《Untitled Goose Game》隻癲鵝!

 

 

落左呢個 MOD 之後,玩家由原本操控悟空,變成操控一隻鵝,不過好笑嘅係周遭嘅人仲係稱呼隻鵝為「悟空」,而「悟空」一樣係有對白就照講;咁當然啦,畢竟 MOD 只係轉左個外觀,不過咁樣一來,無論係探索定係戰鬥,突然都變得喜感十足!

 

 

不過呢個 MOD 只係應用喺 PC 版本上面,對呢個 MOD 有興趣嘅朋友,可以去【呢個網址】了解更多。

 

相關文章:
【TGS 2019】充滿力量與速度感嘅高技巧動作遊戲《七龍珠 Z 卡卡洛特》明年 1 月16 日發售
【遊戲新聞】另類潛行解謎遊戲 《Untitled Goose Game》做隻賤鵝搞屎棍

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章