【遊戲新聞】貓版薩爾達傳說 《Cat Quest 2》雙人合作得意小品遊戲

有留意開小品野嘅可能都聽過《Cat Quest》呢個作品,由新加坡獨立團隊 The Gentlebros 製作,曾經得到國際間大量玩家好評。新一集《Cat Quest 2》更支援雙人合作遊玩,今日日版正式登場!

 

 

《Cat Quest 2》類似舊版嘅薩爾達傳說咁玩,都係動作角色扮演類型,遊戲為開放世界。至於故事就講述古時貓之國同狗之國曾經同傳說中嘅「國王之刃」戰鬥,然後有一日把劍爛咗,邪惡降臨,然後勇者挺身而出,都係果類老土橋段。

 

 

遊戲中玩家可以控制一隻貓同一隻狗,使用近戰武器或者魔法戰鬥,敵人間亦都有分屬性,裝備同魔法都可以升級,基本 RPG 野都有齊,玩起上黎亦都幾有薩爾達味,亦無因為係小品遊戲就偷工減料,幾有良心。

 

 

《Cat Quest 2》英文版其實上年已經推出,不過玩呢類 Game 都係日文有 Feel 啲,而日文版今日就會喺日版任天堂 eShop 上架,售價 $1500 日圓。順帶一提,本作仲有 PS4、Xbox One、PC Steam、Android 及 iOS 平台。

五木

五木 動漫電玩宅,極愛金田一系列,擅長動作及策略遊戲

追蹤

更多文章