喺 Nintendo Switch 上大熱嘅煮飯遊戲《Overcooked》雖然叫好又叫座，但唔係第一身落手落腳煮飯硬係好似爭啲咁。想親自落廚的話，又點少得一代經典煮飯老母《Cooking Mama》，日前外國網站唔小心洩密，新作《Cooking Mama Cookstar》意外地曝光！

日前荷蘭遊戲零售網站 Nedgame 喺網站度 Upload 咗《Cooking Mama Cookstar》嘅新片，雖然已經極速將條片下架，但係網友已經好快速咁 Backup咗。喺影片中見到有幾個全新嘅小遊戲，而且見到有用到 Joy-Con 嘅陀螺儀體感玩法，例如要「拋鑊」、「撥扇」、「攪拌」等等，而下方有標示時間及節奏等要求，根據以往經驗應該都有返咁上下難度。

官方雖然未有消息，但以影片嘅完整度以及對應態度黎睇應該都係堅的。消息屬實的話《Cooking Mama Cookstar》將於 2020 年 3 月上市，售價為 $39.99 歐元，未知會否有中文版。