【遊戲新聞】金光閃閃徽章輕鬆拎 《動物森友會》博物館活動指南

《動物森友會》今日開始又有新活動,為咗配合「國際博物館日」,《動森》入面嘅博物館由今日起至 5 月 31 日將舉行「蓋章拉力賽」,即係平時商場搞果類盦(音同吸)印仔活動。雖然今次活動話係「賽」,但其實無任何競賽成份兼夾難度略低,但為咗方便大家我哋都係整理晒咁多個印臺位置。只要收集晒蟲、魚、化石三區合共九個印章,就可以得到三款金光閃閃徽章。

 

 

蟲類展覽區

博物館入口轉左進入蟲區,進入後向上行就會見到「後山道」印臺

拎完「後山道」印臺後,向左邊直行就會見到第二個印臺「秋津橋 」,之後向下行

往左進入蟲區第二間房,「蝴蝶花園」印臺就喺正下方

收集完蟲區印仔之後,返去搵傅達就可以得到「蟲子璧飾」

 

 

化石展覽區

喺正門落樓梯進入化石區,第一個印臺「脊椎動物」就喺入口右手邊,由於燈光昏暗,所以有機會錯過

直行進入恐龍骨大廳,沿下方向右行就會見到第二個印臺「單弓類」

再向右行進入第三間房,喺房間正中央會見到最後一個印臺「新生代房間」

收集完之後一樣係返去搵傅達,講完野會得到「化石璧飾」

 

魚類覔覽區

進入魚區之後,沿下方向右前進會見到第一個印臺「池湖之魚」

喺「池湖之魚」後方就係第二個印臺「亞馬遜河」

然後進入右手邊房間,一直往右行到底,就會見到第三個印臺「深淵」,至此完整收集所有印章

 

搵傅達得到「魚兒璧飾」

 

 

回帶相關文章:

【遊戲新聞】外國高手挖掘數據 《動物森友會》發現未來大型更新項目

【遊戲新聞】《動物森友會》版本《FF7 Remake》主角服裝下載碼

【遊戲新聞】最新玩法引起熱潮 《動物森友會》利用視角泡製遠處小鎮

 

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章