【遊戲新聞】今年 11 月必玩之作《薩爾達無雙 厄災默示錄》早於曠野之息 100 年的前傳物語

 

任天堂與 KOEI 於 9 月 8 日發出合作公佈,宣佈雙方合力開發嘅全新動作遊戲《薩爾達無雙 厄災默示錄(ゼルダ無双 厄災の黙示録)》將於 2020 年 11 月 20 日正式發售,為 Nintendo Switch 平台獨佔遊戲,同時亦為 Wii U 年代《薩爾達無雙》後久違六年嘅同系列作品。

 

 

《薩爾達無雙 厄災默示錄》以《曠野之息》故事發生前 100 年、「災厄加儂奇襲海拉魯王國」一段作為故事大綱,而根據片段,玩家可操作角色包括林克、薩爾達、四大英傑包括達爾克爾(Daruk)、米法(Mipha)、力巴爾(Revali)及烏爾波扎(Urbosa)等角色。

 

 

《薩爾達無雙 厄災默示錄》嘅場景設計及風格將會完全忠於《曠野之息》,務求向玩家完美呈現海拉魯王國 100 年前壯大嘅景色。遊戲以「無雙」系列「一騎當千」嘅爽快感為基調,同時亦會配合角色本身人設而度身訂造各自獨有嘅派生技能,例如林克嘅遙控炸彈等等。

 

 

今次故事背景嘅大災厄係令到海拉魯王國滅亡嘅物語,各位《Zelda》Fans 嘅玩家又會唔會有興趣入手呢?

P.S.《薩爾達無雙 厄災默示錄》並非早前提過嘅《曠野之息》續集(相關報導),而係「無雙」界別嘅前傳;想玩續集嘅朋友請繼續耐心等待官方進一步嘅公佈。

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章