LEGO Ideas 2020 首輪票選結果終於公佈，26 件作品之多，官方都已經話頭痛到爆，而下次有成三十幾件都唔知點算。不過講返正題，今次咁多作品入選都只係得兩件有資格量產商品化。

最終由法國藉製作者 Guillaume Roussel 嘅 Earth Globe 地球儀成功量產，而另一件我地早前介紹過嘅 LEGO 超音鼠  Green Hill Zone 作品就因要再作審核，所以就留到下一次公佈先再有結論。

而頭先我明明話有兩件作品可以量產，大家好記性的話應該仲記得今年 3 月嘅時候，LEGO Ideas 搞左次「MUSIC TO OUR EARS!」嘅活動，以音樂做主題去創作 LEGO 作品，結果十強作品官方揀左玩家投選排第 7 嘅 Legendary stratocaster Fender 結他去商品化，而最終會唔會真係拉埋 Fender 落水，就要睇下官方之後嘅公佈啦！

下一次 LEGO Ideas 2020 第二輪票選會喺 2021 年年初公佈， 35 件作品花落誰家？繼續留意我地嘅報導啦！

資料來源：LEGO Ideas