【活動情報】香港區電競賽事開籮 競逐過萬元獎金

疫情關係搞到個市都好靜,個市靜廠商自然就會搵野搞。黎緊會有一個電競比賽,同時有《第五人格》同《王者榮耀》二個比賽項目(我哋無玩,機會留返俾大家),每星期頭四名都會有現金獎拎,打到最尾總決賽仲有過萬元獎金,又無報名費,有興趣嘅可以試下。

 

 

是次比賽《2020 智競未來》由香港電子競技體育總會 HKESF 主辦,將會有《第五人格》同《王者榮耀》二個比賽項目, 線上預選賽由 10 月 30 日開打,一直打到去 11 月 14 日,為時三星期,每星期奪得頭四名的參賽者皆可得到現金獎,並得到進入最終決賽資格,香港區總決賽則於 11 月 15 日開打,有興趣嘅朋友請去返佢地官網度睇啦。

 

 

《2020 智競未來》已開始接受報名,至 10 月 28 日截止,所有玩家可透過電話應用程式 REES 報名,費用全免,不過記得要填寫所有帳戶資料包括電郵及電話,唔係官方無法確認報名資格。

活動詳情 : https://www.hkesf.org/