【遊戲新聞】小島秀夫工作室聘請人才中!全新遊戲項目即將公佈

 

小島秀夫旗下 Kojima Productions 正全力開發新遊戲!根據日前工作室的官方 Twitter 所講,佢地目前正進行專才招聘,去加入佢地位於東京嘅遊戲工作室,以進行新遊戲嘅開發。

 

 

Kojima Productions 首隻遊戲作品《Death Stranding》已登錄 PS 以及 PC 平台,遊戲系統新穎而獨特,玩家評價亦頗為兩極,有人話係 DHL 模擬器,亦有人話佢極具深度、係「神作級」作品。

唔知各位讀者對於《Death Stranding》有咩睇法?坊間一直盛傳《Death Stranding》有可能會有續集,另一方面,小島早前於自己 Twitter 上面,亦都表示自己不斷睇緊各式恐怖電影,去為下一隻遊戲獲得靈感,所以唔少人亦好奇佢係咪打算推出自家品牌嘅恐怖 Game,去彌補未能製作《P.T.》以及新《Silent Hill》嘅遺憾。

 

 

Kojima Productions 嘅動向依然令人關注,期待佢有新遊戲消息公佈,到時再為大家報導。

 

神婆

神婆 真身為非典型占卜師,唔神秘,無形象,為咗兩隻貓嘅生活努力奮鬥。日系遊戲及 JRPG 專攻,重度聲優控。

追蹤

Facebook 更多文章