由 Noio 及 Licorice 開發，喺 2015 年推出嘅像素風格塔防式策略遊戲《Kingdom: Classic》到今時今日喺 Steam 仍然係「極度好評」評價，證明佢係一隻優質嘅作品。如果未玩過呢隻好野，機會黎啦，因為現時 Humble Store 做緊限時免費，只要上佢地網站登記就可以得到 Steam Code。

《Kingdom: Classic》係一款使用像素風格嘅塔防式策略遊戲，採用橫向平面移動方式。玩家將隨機扮演國王或皇后，日間拓展領地及招募國民，晚間則抵禦來襲嘅怪物幽靈。遊戲玩法極之簡單，基本上不停向左、右發展就得，操控亦只有左、右、下三個按鍵，但遊難度其實頗高。

玩家要細心分配國民職業，負責防守嘅弓箭手、領軍進攻嘅騎士、開墾及建造嘅工人、供給資源嘅農夫，各施其職，不過要注意所有行動都要國王親自負責，所以距離領地太遠的話有機會被怪物殺死。

《Kingdom: Classic》現時喺 Humble Store 做緊限時免費（到 11 月 10 日凌晨 2 點），只要上去撳「Get the Game」再跟住做就會拎到 PC Steam Game Code。遊戲另外仲有 PlayStation 4 / Xbox One / Nintendo Swich / iOS / Android 版本。