【玩物花絮】加個支架 6吋比例即變積木場景

經上次介紹過 Brick Mini 國際象棋,呢件可以將塑膠積木比例 6 吋比例 Action Figure 混埋一齊玩嘅產品,有一個意想不到嘅優良效果之後。原來 FEXT HOBBY 呢間專做 1/ 12 或者 6 吋比例場景同支架嘅製作公司,前一排都出左隻比積木用嘅支架。

 

 

就咁聽落積木支架呢樣野,對「純 LEGO」玩家就一定唔會買架啦,相反如果你唔會介意用第三方產品,又或者有玩開 6 吋比例 Action Figure 場景兼會玩下 LEGO 的話,咁你就真係要留意住啦!

 

一包支架就係咁多野

 

如果將個積木支架用返喺 1/12 支架底座去配合 Action Figure 擺放,唔使我講都覺得有啲古古怪怪咁啦😅。所以放心,呢個只係一個錯誤示範。

而  FEXT HOBBY 最出色嘅始終係佢地嘅 6 吋比例場景,所以好似下面咁樣就 Fit 晒啦!

 

 

事實上有唔少嘅 LEGO 玩家都會想砌完啲戰機、戰車想搵個場景影下靚相,奈何唔係個個玩家有心力同時間去自組一啲大型場景。而 FEXT HOBBY 嘅場景配合返佢地呢個全新嘅積木支架,唔只幫左好多普通玩家解決左場景嘅問題之外,獨特嘅組裝方法甚至做到好多意想不到嘅效果。

 

一個支架已經夠力承托一件超過 250 件組件、約 400g 重嘅戰機

吊喺背板,反轉部戰機放都冇問題!

 

雖然個積木支架單獨使用冇乜太好嘅效果,但配上 6 吋 Action Figure 比例場景之後效果亦遠超大家想像,亦可以令好多無能力砌場景又想影到埸景效果嘅玩家多一個簡便嘅選擇。FEXT HOBBY 仲有好多不同款式嘅場景,有興趣嘅就去佢官網慢慢揀啦!

FEXT HOBBY 官網傳送門】

 

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章