【遊戲新聞】《底特律:變人》工作室揚言下隻作品極創新|叙事手法超突破叫玩家期待

 

曾開發《Heavy Rain》及《Detroit: Become Human(底特律:變人)》等互動歷險遊戲嘅 Quantic Dream 工作室,正在開發尚未公佈嘅全新遊戲。工作室表示,目前尚未能公開遊戲資訊,但係就信心十足,揚言下隻新作品將會起用「前所未有地創新嘅叙事手法」,叫玩家務必好好期待。

工作室主席 David Cage 早前接受外媒採訪時表示,雖然之前嘅遊戲都獲得唔少玩家好評,但係佢相信永遠唔會只得一種說故事嘅手法;黎緊嘅新作入面,玩家需要面對好多理性與感情以及道德上面嘅掙扎,一定會帶比玩家難忘嘅體驗。

 

 

事實上《Detroit: Become Human》的確獲得極大好評,雖然已經係 2018 年推出嘅遊戲,但係都仲係唔少玩家會再度重溫嘅遊戲精品。無論係劇本描寫、人性刻劃,Quantic Dream 都非常擅長令玩家投入故事當中,並留下各種值得細味嘅反思與遺憾。早前編輯部亦寫過有關遊戲嘅(微劇透)感想文,有興趣嘅讀者可以參考呢度

至於 Quantic Dream 近年嘅新消息,則包括宣佈與網易達成合作協議(相關報導),網易成為公司持權人,兩方將會合作推出新作品。唔知工作室口中嘅新作,喺獲得網易資金之後,可以做到幾大程度嘅革新;佢地嘅未來動態,就讓我們悉目已待。

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章