【遊戲新聞】《The Sinking City 沉沒之都》再度上架 PC・但工作室強烈建議玩家唔好買?

 

由 Frogwares 開發嘅克蘇魯主題歷險遊戲《The Sinking City 沉沒之都》終於再度於 Steam 平台上架,不過,工作室就於官方 Twitter 公開呼籲玩家唔好買。

 

 

《The Sinking City》於 2019 年 6 月 25 日時初次推出,當時對應平台為 PC(Steam)、PS4、Xbox,後來亦登錄到 Nintendo Switch 上面。不過,後來工作室與遊戲發行商 BigBen Interactive(又稱 Nacon)。

BigBen Interactive 對遊戲持有發行權利嘅日子只到 2020 年 4 月 20 日為止,後來因為金錢拖欠問題,Frogwares 決定中止合作條款,兩者出現糾法律糾紛,導致《The Sinking City》於各平台上面於 2020 年 8 月 25 日時全線下架。

 

 

於 2 月 27 日再度於 Steam 平台上架嘅《The Sinking City》馬上獲得玩家大量差評,包括畫質低下、無雲端 Save、無包含 DLC 等等。有玩家於 Steam 討論區表示,「今次上架嘅《The Sinking City》同一開始上架嗰一個,係兩個版本黎」,但係 Frogwares 只係一味叫玩家「唔好買住」,但係原因係乜、現有嘅 PC 版本幾時會提供修正等等,一律都未有其他公佈。

不過,撇除機能上面嘅問題,《The Sinking City》本身於玩家之間嘅口碑亦未算突出,雖然遊戲提供豐富嘅文本,以及深度的角色刻劃,但係遊玩系統過於繁瑣,整體遊玩感覺較為雜亂,因此評價未算出色。

編輯部於遊戲剛推出時,曾遊玩過 PS4 繁體中文版本,不過大量翻譯文本錯誤以及 Bug 實在令人沮喪,未知現在是否已修復文本問題,有興趣的讀者可參與我們當年的感想文章

 

 

《The Sinking City》同時已提供 PS5 版本,支援 4K 與 60fps,亦特別配合 DualSense 手掣嘅震動功能而調整部份體感反應;同時 Frogware 下一隻遊戲《Sherlock Holmes Chapter One》預計將於 2021 年內上架(相關報導)

 

 

神婆

神婆 正職為塔羅占卜師,唔神秘,無形象,為咗兩隻貓嘅生活努力奮鬥。日系遊戲及 RPG 專攻,重度聲優控。

追蹤

Facebook 更多文章