【遊戲新聞】《真・女神轉生III NOCTURNE HD REMASTER》宣佈登錄 Steam 平台・為系列作首隻 PC 平台作品

 

ALTUS 宣佈《真・女神轉生III NOCTURNE HD REMASTER》將會於 2021 年 5 月 25 日正式登錄 Steam 平台,為多年來首次有「真女神」作品於 PC 平台上面推出,預購價為 HKD 438(普通版)以及 HKD 548(豪華版),對應繁體中文。

《真・女神轉生Ⅲ NOCTURNE HD REMASTER》已於 2020 年 10 月 29 日登場,當時對應平台為 Switch 及 PS4,為 2003 年 PS2 遊戲《真・女神轉生III NOCTURNE》嘅高清版本。

近年大受歡迎嘅《Persona 5(女神異聞錄 5)》為「真女神」系列嘅分支系列作品,其戰鬥系統其實正正係確立自《真・女神轉生Ⅲ》,因此呢隻作品可以話係日後同系列作品嘅原點。

 

 

有興趣對「真女神」系列了解更多嘅讀者,可以參考編輯部早前嘅專題:
【編輯部專題】震撼玩家的創新系列 《真·女神轉生III》推出前系列回顧

玩家只要攻擊敵人的弱點,就能使戰鬥往有利的方向前進;同時可與惡魔透過交涉,去說服對方成為共同作戰的「仲魔」、並且可利用「惡魔合體」將惡魔們融合,產生出更高技能嘅惡魔等等,都係遊戲戰鬥方面嘅一大樂趣。故事情節亦會因為玩家嘅選擇而產生變化,係當年非常出色而創新嘅 RPG 系統。

 

 

編輯部亦曾就 PS4|Switch 版本嘅遊戲撰寫過評測感想文章(按此),而今次推出嘅 Steam 版,除左新增左更多語音內容之外,同時亦為包含更新 Patch 的完善版本,會減少大部份遇 Bug 方面的問題。

 

 

《真・女神轉生III NOCTURNE HD REMASTER》PC 版本將於 2021 年 5 月 25 日推出,目前 Steam 平台已開始預購:

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章