【遊戲介紹】美漫風格動作遊戲 《LIBERATED》挺身反抗全面監控極權政府

今次同大家介紹嘅遊戲《LIBERATED》,其實上年已經推出,不過就無乜人知。遊戲入面玩家身處一個處處被監視嘅社會,自由人權被逐步蠶食,身為香港人真係感同身受!

 

 

《LIBERATED》由獨立遊戲開發商 Atomic Wolf 聯同 L.INC、Walkabout 共同製作,係一款 2.5D 橫向卷軸類型動作冒險遊戲。遊戲講述一座巨型都市由極權政府所支配,以監察攝鏡頭網絡、人面辨識等高科技監控市民,玩家為咗追求自由,與地下組織「Liberated」合作,挺身而出解放人民!

 

 

 

遊戲故事敘述部份會以漫畫方式表達,每一格都有獨立想表達嘅劇情、對白。動作部份就會以橫向卷軸方式遊玩,當中包括潛行、槍戰、飛車等等,然後再配以美漫常見「Bang!」、「Ough!」等字句彈出,令人有濃厚觀賞漫畫嘅感覺,製作人之前喺訪問中亦都有提及過本作嘅概念係「可玩嘅漫畫」,由 50% 漫畫 + 50% 遊戲所組成。

 

 

《LIBERATED》已經推出,對應平台為 PS4、Xbox One、Nintendo Switch 及 PC Steam,另外家用機日文版於 5 月 27 日上市 。

不撤不退

不撤不退 不撤不退,我愛香港。

追蹤

更多文章