【遊戲新聞】極正類惡魔城遊戲 《羅德斯島戰記》推出家機版妖精相剋勁好玩

我哋曾經為佢撰寫評測,並且直到現時仍然保持「極度好評」評價嘅類惡魔城遊戲 《羅德斯島戰記 蒂德莉特的奇境冒險》(ロードス島戦記 -ディードリット・イン・ワンダーラビリンス-),創新系統加上整體製作出色,備受玩家推崇。由於之前只有 Steam 版本,好多玩家無緣接觸,幸好黎緊將會推出家用機版本,於年尾發售。

 

 

《羅德斯島戰記 蒂德莉特的奇境冒險》由 Team Ladybug 工作室開發,屬類惡魔城遊戲。遊戲以《羅德斯島戰記》世界觀為主軸,內容係女主角精靈蒂德莉特喺原作到 2019 年小說最新作《誓約之寶冠》期間嘅空白時期。旅程中蒂德莉特會遇上唔同嘅角色,亦會獲得唔同精靈嘅力量,上演一場精彩嘅冒險之旅。

 

 

遊戲中玩家有基本近戰劍攻擊,遠距弓戰射擊,並可以透過切換依附精靈改變屬性,玩家要因應敵人屬性而隨時切換,簡單講即係火屬打火屬雙方都唔會扣血,利用攻擊間隔切換屬性係呢款遊戲核心玩法,而且屬性切換仲會應用於解謎及穿過陷阱,考技術考腦筋(詳情請看評測文章)。

 

 

《羅德斯島戰記 蒂德莉特的奇境冒險》家用機版本將收錄完整六大關卡,預計於 2021 年 12 月 6 日推出,對應平台為 Xbox Series X|S、Xbox One、PS5、PS4、Nintendo Switch,支援繁體中文,至於 PC Steam 版則已於 3 月推出。

 

 

回帶相關文章:

【遊戲評測】比月下更上一層樓 《羅德斯島戰記》青出於藍類惡魔城遊戲

【遊戲介紹】東方系列類惡魔城橫向動作遊戲《東方月神夜 Touhou Luna Nights》Team Ladybug 大獲好評之作

 

五木

動漫電玩宅,極愛金田一系列,擅長動作及策略遊戲

追蹤

更多文章