【遊戲介紹】一致好評獨立遊戲 《The Last Campfire》勇奪獎項童話一般的解謎冒險

Hello Games 呢個名可能大家無乜印象,佢哋係《No Man Sky》製作團隊,雖然遊戲推出時收到大量負評,但係團隊用心修改最後不但得到玩家原諒,更令作品成為一款極之豐富嘅優質遊戲。今次介紹嘅作品《The Last Campfire》係由佢地嘅成員製作,上年出過主機版,早排終於推出 PC 版,係短短時間內得到「極度好評」評價,咁自然要同大家推薦下呢款優質獨立作品啦。

 

 

《The Last Campfire》由 Hello Games 製作,係一款解謎冒險遊戲,更曾奪得 BAFTA Games Best British Game 同埋 SXSW Awards Indie Game of the Year,質素有晒肯定。遊戲中玩家將扮演一粒迷失嘅餘燼,身陷於一個滿佈謎團嘅地方,於事努力尋找生命嘅意義同埋回家嘅道路。

 

 

遊戲目的好簡單,就係要透過解開謎題,將被困於牢籠中靈魂餘火救出,再將佢帶回去主人身邊。喺呢隻遊戲入面,角色除咗一般移動之外,只有使用「燈角」同埋道具三種行動,所以解謎主要都係靠移動方式,不過因為本作視點無得設定手動轉換,好多時自動視角會做成盲點,令人連路都睇唔到,美中不足。

 

 

作為一款解謎遊戲,謎題數量係非常足夠,關卡變化豐富,難度亦有深有淺,而且就算卡關都有提示,絕大部份提示都好有用。不過所有謎題都無標明難度,所以好多時會突然提高或者降低難度。另外遊戲中所描術嘅故事不但有趣,仲會探索人生意義,中間仲可以透過收集旅行者日記了解更多側寫故事,呢部份加返唔少分數。

 

 

《The Last Campfire》已經推出,對應平台為 PS4、Xbox One、Nintendo Switch、PC Steam 及 iOS,對應繁體中文。

五木

動漫電玩宅,極愛金田一系列,擅長動作及策略遊戲

追蹤

更多文章