【遊戲新聞】太空科幻版本的上古捲軸《Starfield》自由度耐玩度均為 100% 的野心作品

 

「Xbox and Bethesda Showcase 2022」完滿落幕,95 分鐘的線上節目裡面,Xbox 公佈了預計在 12 個月裡面會推出的各款遊戲,當中不乏多個微軟獨佔作品,包括已加入 Microsoft 大家庭的 Bethesda 工作室,帶來一眾玩家期待已久的科幻 RPG《Starfield》詳細介紹影片。《Starfield》預計 2023 年面世,推出當日對應 Xbox Game Pass 及 PC。

 

 

Bethesda CEO Todd Howard 表示,《Starfield》為工作室有史以來最具野心的作品,最新釋出的數條遊玩片段,更令一眾玩家稱呼作品為「No Man’s Skyrim」——意即《No Man’s Sky》與《The Elder’s Scroll: Skyrim》的混合版。

由於玩家於遊戲中享有極高自主權,無論要行「正義」抑或「奸惡」路線、要與 NPC 結盟抑或樹敵、要於哪個星球建造自己的基地、或者要探索哪個星球……

遊戲並無固定玩法,你要做武鬥份子抑或外交官,你的角色性格如何,全部都有非常廣闊的自由度,連太空飛船(戰機)都可以完全自訂。

 

 

加上,遊戲裡面可供探索的星球總共超過一千個,而每個星球上面都有內容,就算玩家 2023 年淨係打算玩《Starfield》一隻遊戲,可能都唔係咁容易就玩得到「爆機」——因為遊戲嚴格黎講無「主線」嘅概念,故事嘅主線隨住玩家玩法嘅唔同,都會有所延伸及變換,而與 NPC 或各個勢力之間的關係,又會衍生出新嘅故事線。

 

 

假如你鍾意科幻題材 RPG,假如你鍾意 FPS 遊戲,假如你鍾意沉浸式的廣闊世界觀,假如你鍾意玩建築遊戲,又,假如你鍾意揸太空船感受宇宙奧秘;《Starfield》,絕對係 2023 年玩家們「一次過滿足你好多願望」的強大野心作品。

《Starfield》預計 2023 年面世,正式發售日有待公佈,推出當日對應 Xbox Game Pass 及 PC。

 

其他相關文章:

【遊戲新聞】Xbox 遊戲發佈會 多達三十多款作品一文睇晒

【遊戲新聞】光榮全新三國暗黑動作遊戲《Wo Long: Fallen Dynasty》Xbox 獨佔推出首日落 Game Pass

【遊戲新聞】《底特律:變人》前資深員工領軍開發《As Dusk Falls》可多人互動劇情遊戲今年上市

【遊戲新聞】小島秀夫驚現微軟 全新作品開發中索粉怒罵背叛

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章