《Fight League 交鋒聯盟》教你由新手變高手 – 基礎攻略篇

最近,XFLAG出咗一隻棋類APP-GAME;FIGHT-LEAGUE(交鋒聯盟)。

我哋逐點介紹下佢嘅規則系統,同埋一啲組隊上要注意嘅嘢。

 

A)基本規則介紹:


1)佢個棋盤係 3×4 總數12格。正中間最上方係對手嘅隊長,最下方係我方嘅隊長。
2)每名玩家嘅棋組由一個BRAND(中文叫種族)下嘅1名隊長加9名隊員組成,其中只能放一隻US。
3)隊長有3000HP/200攻,箭咀頭會變成向前全方位近戰。只要打晒對方隊長嘅全部HP,就為之勝出。隊長必需為S或US,隊長會有一招叫FIGHTING BRUSH嘅必殺;2000HP以下後,就可以用一次,但每局只可以用一次。
4)隊員就睇方佢本身嘅箭咀頭,同埋技能。
5)雙方玩家每回合中,可以出兩手棋(除咗先攻嘅第一回合,得一手棋),每手棋係喺玩家組成嘅棋組9隻隊員中嘅2隻,分先手同後手。
6)每局遊戲喺10回合後,就會有一個叫OVER BRUSH嘅強制對隊長傷害,由100開始每回合遞增。
7)每手棋只能㨂閒置嘅格仔落棋,當嗰隻棋落咗地,就會根據箭咀方向去攻擊,如果攻擊嘅範圍裡面有我方嘅鬥士(隊長或隊員),被連到嘅就會跟住連擊。其中近戰嘅棋就打一格距離遠攻嘅棋就貫通整個棋盤。

就好似下圖咁

 

基本嘅遊戲玩法同規則,就上面呢啲啦,再落來我哋去睇下唔同品牌棋組嘅特色同一啲簡單組法先。

 

B)落棋技巧

 

先嚟講講近戰型品牌嘅落棋技巧先;

好似圖中咁,由於對方係以遠攻為主嘅 「TOYS of the DEAD」,遠攻型嘅主要攻擊點,就係中線兩格,同埋圖中藍色嘅底線兩格,而「TOD」更加係著重底線嘅攻擊。
先手一番只能夠落一手棋,作為近攻隊嘅「動物健將」就如果將棋放喺綠色嘅位置,對方可以直接放棋喺藍色兩格,一邊攻擊,一邊防守;所以反過來應該放喺紅色嗰一格,雖然如果對方放隻有前後箭頭嘅遠攻,一樣會清咗,但由於嗰隻遠攻嘅係位於中線上面,下一回合近攻隊員仍然可以再放喺紅色嗰格或兩側,就仍然可以一邊攻擊,一邊防守。

 

相反,如果對方係近戰型為主嘅,咁就唔好放喺紅色嗰格,要放喺綠色嗰兩格,因為近戰手短,對方只能選擇守或者攻;可以有效削減對方一隻棋嘅攻擊。

除咗先手一手外,其他時間都儘量保持呢種逼迫人防守嘅打法;咁先可以喺保到棋或隊長HP唔會扣太多之間,有一個保障。

遠戰型又要點放呢?

 

面對近戰型嘅,放喺自己隊長面前(特別係HP有返500或以上)防住對方先手棋企喺正中攻擊,亦都有效斷開近攻後手連落先棋嘅連擊,即使對方後手棋清咗我方嘅棋,到我方回合時,又可以落返喺中線攻擊,以及利用連接隊長清理後場;其次放喺綠色嗰兩格都可以,理由冋近戰對近戰沉底一樣。

 

面對遠攻隊嘅話,就要睇對放係「TOD」定「GGG機巧一族」;「TOD」的話同上面近戰隊放法一樣,要放紅色嗰一格,因為「TOD」同時有向前、向後嘅遠攻有限,佢要同時打你隊長同清棋有一定嘅限制,除咗先手出會自扣500HP嘅US「TOY OF THE MONSTER」外,一般返到你嘅回合,都可以先手企返紅色嗰格;但如果你好似對近戰型咁,放喺我方隊長面前嘅話,對方就只需要用有前箭頭嘅遠攻、或放棋喺藍色兩格都可以一邊打隊長,一邊清你棋。

 

咁如果面對嘅係「GGG」呢?

呢個時間就可以放返喺我方隊長面前或直接沉底(視乎你隻棋有幾多HP);雖然對方放喺紅色嗰一格,一樣可以打棋之餘貫通打埋隊長,但由於GGG平圴每隻攻擊力都唔會超過200(FAM BOY除外),所以先手番中一般都唔會清到我方嗰隻棋,返到我方回合時,更可以重新放中間,貫射或沉底清除企喺紅格位置嘅棋:同時間可以防止對方 「G 蓮琪 Type-G」沉底落左下角藍色一格,變得比較容易清,同唔怕對方強化佢。

 

咁其他回合呢?

 

除咗先手一手外,一般每回合都會有兩手棋可以落:
1)最理想係兩手棋連接,並都攻擊到對方隊長,同時清理對方攻擊到我方隊長嘅棋(紅色要清晒);

2)其次就係先手一隻攻擊到對方隊長,後手一隻連接到先手棋,清理對方攻擊到我方隊長嘅棋;
3)比較差嘅係,兩手棋唔連接,但打到對方隊長,且清到棋;
4)同3相若嘅係只有一手棋可以連接到隊長,另外一手要用來清棋,清得晒;
5)更差係被對侷住要守晒兩手棋;

6)最差係攻唔到又清唔晒(不如投降 或 放棄防守)。

1~2嘅重點係兩步棋要連得埋,只要連得埋,先手棋嘅攻擊力就等同雙倍,咁對清理對方隊員同攻擊隊長都相當有效,做得到基本上係順風嘅一個回合;

3~4之間其實係差唔多嘅取捨,3同4唔同嘅地方係對方變相要同時清理兩隻棋,視乎放棋位置會唔會被人以1~2嘅情況清晒,有時候,4後手放喺防守位置封位會比起3好;

5~6逆風,清唔清晒對方連接埋嚟嘅棋,視乎嗰幾隻棋嘅攻擊力同埋連接能力,因為留一隻棋到對方回合,嗰隻棋就相當於會打兩次。舉個例假如留一隻200攻嘅棋,咁後手番如果有一隻400攻或以上並且唔喺呢隻棋嘅攻擊範圍內的話,就不如放棄防守,去進攻(大部份情況下,都係只會留一啲100攻且對方唔係好多強化能力嘅品牌);不過,如果係一隻企咗喺我方隊長中間嘅而又有左右連接嘅箭頭,就有可能需要清理佢,因為當對方係左右對連嘅近攻,就會經呢隻100攻溉箭頭,左右相連。

 

正如官方貼士話齋,八成嘅攻擊、兩成嘅防守;防守係唔會贏。

當棋攻擊時,攻擊範圍內有我方隊友,就會觸發我方隊友連擊;所以連得愈多,嗰下傷害就愈大

 

C)簡易組隊心得

用我自己呢隊「動物健將」隊作一個例子,右上方嘅方向盤,會見到呢隊嘅箭頭總計。向前同向後嘅箭頭愈平衡,會比較能夠做到邊攻邊守;其次係左右嘅平衡,左右嘅平衡對於兩手棋嘅連椄相當重要,亦都比較唔怕對方封位而做成打唔入嘅狀態(呢隊往後我有稍作改良,多一個向左箭頭)。

 

前後箭頭嘅平衡尤其重要。

 

另外SOLO隊由於無法確保隻棋係出現喺先手定係後手,部份必需先手/後手至有作用嘅棋,就儘量唔好落;或者組合3:3:3(先手:後手:中庸),咁樣至少確保到有一手棋會係GOOD DRAW。

 

相反,TAG PLAY雙人組合就唔同,由於佢哋會預先設好邊一個先手 ,邊一個後手;所以組合上就可以完全傾向先或後手,比例上面可以係7:2(先/後手:中庸);其次就係先手要係攻擊力較高嘅一方,後手就要係連接能力較高嘅一方,如果含遠攻隊的話,甚至可以係一方左、一方右咁去保證後手可以連接先手。TAG PLAY時,部份品牌嘅US如果比較傾向先/後手而組合上又配合唔到的話,比較建議改落打到返來嘅FREELANCER US,佢作為先後手嘅替補方案都唔差。

 

最後列出幾隻打到返來而又強力嘅FREELANCER(之後有機會亦都會逐個品牌介紹一下):

雪撬馭者 梅莉普
HP:500 ATK:200
技能:登場/直到行動完之前,對敵方隊長之戰鬥傷害增加200

落地對隊長攻擊力400,箭頭向左方傾斜,先手抽到相當於一隻300攻500HP(兩手總計600),後手抽到就有良好嘅連接能力以及400傷害;佢嘅攻擊力同連接能力,已經係近乎一隻綠隊嘅基本隊員,係上到金同世界聯盟嘅玩家都近乎必落嘅棋(除咗要發動鴛鴦技能嘅綠隊)。

 

圖驣少女 波拉
HP:600 ATK:200
技能:登場/敵方全體隊員造成200傷害

 

清場技能,配合齊左方同埋左個向右下嘅箭頭,連接我方隊長的話,基本上可以確定一擊清理到近接我方隊長嘅400HP嘅棋,甚至可以一擊清理企喺我方隊長正前方600HP嘅棋。

實用嘅防守技能,減少打斷我方進攻時間,再者有600HP,並唔容易被對方清走,所以又係一隻常見嘅棋。

 

南國戰士 迦爾納
HP:500 ATK:200
技能:登場/對周圍嘅敵方隊員造成200傷害

 

比波拉範圍細一啲嘅清場技能,前後平衡嘅箭頭,與波拉一樣連接我方隊長的話,基本上可以確定一擊清理到近接我方隊長嘅400HP嘅棋。

唔同嘅係,如果先手抽到佢,佢向前嘅箭頭比較適合放咗前場,用來破開對方防守並且攻擊,再等後手橫有位置攻擊並且連接上佢。用法上比起波拉難啲;而500HP,就係預咗畀對方清走,等返到自己回合時,可以再放棋落去;假如隊伍比較傾向沉底攻擊的話,佢嘅作用唔比波拉差。

今次嘅基礎簡易攻略就咁多,下次有機會就同大家逐個品牌介紹下。

 

古渡

古渡 《Pokemon XY》400小時遊玩時間,天梯賽1700以上嘅非專業玩家。閒時會寫下嘢咁

追蹤

更多文章