任天堂正式公開《薩爾達傳說》海拉魯歷史 《曠野之息》不屬任何時間線

差唔多係每位 Nintendo Switch 機主都會有既《薩爾達傳說 曠野之息》,有幾好玩就唔洗多講,但係 Fans 們一直都有個疑問,到底今集作品描述既時間係屬於系列邊一個部份呢?日前任天堂官網終於開啟咗《薩爾達傳說》系列海拉魯大陸歷史介紹頁面,係入面詳細講解整個系列既時間線,但係奇在《薩爾達傳說 曠野之息》並不屬於大家熟知既三條時間線上,令作品既時間點成謎。

 

網頁清楚表明《薩爾達傳說》系列由三女神創造世界開始,然後係海利亞女神同魔族間戰爭,之後就係《薩爾達傳說 天空之劍》故事,跟接住既係《薩爾達傳說 不可思議的帽子》,再之後係《薩爾達傳說 眾神的三角神力與四人之劍》,然後就到《薩爾達傳說:時之笛》。而係《時之笛》因為三種不同結局而導致時間線分裂為三條,亦可視之為三個平行世界。

 

第一條時間線係時之勇者係七年後既世界輸比卡農,然後故事就黎到《薩爾達傳說:眾神的三角力量》>《薩爾達傳說 夢見島》>《薩爾達傳說 不可思議的果實》>《薩爾達傳說:眾神的三角力量2》>《薩爾達傳說 三角神力三劍士》>《薩爾達傳說》>《林克的冒險》。

 

第二條時間線係時之勇者戰勝,林克成功擊敗並且同薩爾達公主及六賢者封印卡農之後,被薩爾達公主送返七年前既故事。而回到過去既幼齒年林克向薩爾達公主預警卡農既叛變,並阻止時之笛事件發生。呢度既作品分別係:《薩爾達傳說 穆修拉的假面》>《薩爾達傳說 曙光公主》>《薩爾達傳說 薩爾達傳說 四人之劍+》。

 

最後一條時間線就係時之勇者戰勝,林克成功擊敗並且同薩爾達公主封印卡農之後,被薩爾達公主送回七年前,但現實時間仍然持續進行。而係經過幾百年風印之後,勇者並無係卡農復活時一同回歸。係呢個時候海拉魯王將國家向三角神力許願,要求將海拉魯王國封印,最後卡農連同海拉魯王國被大洪水所淹沒,只有少數被三角神力選中既人幸免於難。呢條時間線既作品分別係:《薩爾達傳說 風之律動》、《薩爾達傳說 夢幻沙漏》、《薩爾達傳說 大地汽笛》。

 

有趣既係一般既作品都係不停推出新作去後續故事既發展,但係《薩爾達傳說》系列係用倒退方式講故事,成個系列只有《薩爾達傳說 風之律動》同之後二隻作品係順時間去,其他作品都係越講越前。一般黎講第一集都係故事既開端,但係呢個系列時間線最前既反而係《薩爾達傳說 天空之劍》(2011年作品),當時直頭連海拉魯王國都未有。

而上面所列出既三條故事線,只有《薩爾達傳說 曙光公主》路線仲可以發展落去,而最新既《薩爾達傳說 曠野之息》係並不屬於任何一條時間線。到底呢隻作品最後會歸類為邊條時間線,定係又當成新既平行世界看待,只有等官方相關消息推出,現階段只可以話《薩爾達傳說 曠野之息》與舊系列故事並無關連。

 

《薩爾達傳說》系列海拉魯大陸歷史介紹頁面

 

 

五木

五木 動漫電玩宅,極愛金田一系列,擅長動作及策略遊戲

追蹤

更多文章