【遊戲新聞】獲獎無數高難度 2D 橫向動作遊戲《Dead Cells》宣佈推出手機版本

 

如果你係鍾意玩橫向動作遊戲嘅朋友,應該會聽過《Dead Cells》呢隻遊戲嘅大名;呢隻遊戲於 2018 年已經先後登錄 PS4、Xbox One、Switch 以及 Steam;而遊戲公司剛剛就宣佈,《Dead Cells》將於今年夏天登錄埋手機 iOS 以及 Android 平台,定價為 9.99 歐元(約 HKD 88),一筆付費,唔需要另外再課金買 Items。

 

 

《Dead Cells》由法國獨立研發團隊 Motion Twin 製作,係一隻類似《銀河戰士》、《惡魔城》類型(Metroidvania)嘅動作遊戲。遊戲場景係一個會不斷變化嘅城堡,玩家需要透過不斷探索、擊敗 Boss 去解開新嘅力量以及武器等等。

不過,遊戲其實相當難玩,出手機版到底係咪真係好事呢?操作上面又會有點樣嘅調整?編輯部認為,如果你對遊戲有興趣,首選考慮都係買埋家用機版本似乎適合啲。

 

 

我地編輯部去年亦都就遊戲寫過介紹同埋感想,有興趣嘅朋友可以參考以下連結:

相關文章:

極度好評高難度橫向動作遊戲《Dead Cells》 將於PS4、NS上登場!
【遊戲感想】M屬性頂級無間自虐動作遊戲 Dead Cells

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻!

追蹤

Facebook 更多文章