【遊戲新聞】了解精神病院日常《Psycho Simulator》

有研究指出,社會上每 10 個人當中就有 3 個係有精神病及行為障礙。好多人都會標籤左精神病患係有傷害性、係可怕、係異類,但事實上經過適當嘅診斷同治療,精神病患其實同大家無異。波蘭獨立遊戲製作公司 FreeMind SA 最新喺 Steam 平台公佈嘅呢隻《Psycho Simulator》,你當然可以當佢一隻普通模擬遊戲一樣做出好多瘋狂行為。但製作公司嘅目的係想以遊戲方式,比大眾了解每個精神病患背後,都有住某啲因素而導致成病,搵出「源頭」先係治療嘅最佳方法。

 

 

玩家作為一個精神病院人面嘅一員,每日面對住病患者唔同嘅異常行為。自殘、縱火、妄想、反社會,甚至以為自己係小飛俠 Peter Pan 想飛出窗外。制止病患者傷害自己或他人行為,同時要對每個病患者進行各種治療、開藥等等。

 

 

哲學家尼采喺《善惡的彼岸》有句名言「與怪物戰鬥的人,應當小心自己不要成為怪物。當你長久凝視深淵時,深淵也在凝視你。 」《Psycho Simulator》唔只精神病患會有異常行為同病徵,玩家角色以及同事都可能會有機會出現某啲症狀。除左藥物幫助之外(亦有相應副作用),玩家最緊要保持理智同清醒。

 

《Psycho Simulator》暫時未有正式發售日期,想玩嘅朋友,記得去 Steam 度加定落自己 Wish List 啦。

 

阿九

阿九 打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast https://goo.gl/HRnxDW

追蹤

更多文章