【影視感想】《善惡 – Tik Ka from East全球網上作品展 ’20》談善惡 論執著

《善惡 – Tik Ka from East 全球網上作品展 ’20》(下稱《善惡》)小弟於展期最後一晚 9 點鐘上得到「尾班船」,喺官方公佈嘅收館時間晚上 11 點後先睇完。如果用最簡單嘅字眼去形容呢個展的話,我會用四個字 – 曠古爍今

係大眾娛樂、流行文化內取材,創作成高水平藝術作品;善用數碼科技建構出比現實更正規嘅展覽;再利用善惡為題,鋪陳展品,討論現世嘅執著。

《善惡》入面分地獄、人間、天堂三個主題部份,而我亦試試以大眾、小眾、個人三個層面分享三個觀感。

 

 

大眾 – 娛樂性

Tik Ka from East你識唔識佢都已經唔緊要,甚至你比 $38 蚊入場當睇下啲得意嘅歐、美、日動漫角色被二次創作,估下佢 Crossover 啲乜野主題,就當呢個展係個網上聯想力小遊戲,睇下原來「網上展覽」係咩一回事,其實都唔錯嘅消磨。

 

《梨園復國者》系列,你有冇留意到佢當中嘅彩蛋角色?

網上 Meme 圖,你認得嘅

小眾 – 藝術與技術

 

假設你有跟隨 Tik Ka from East 的社交媒體,《善惡》當中大部份作品你都會見過或有所印像。儘管如此,整合成為一個「展覽」,由作品先後次序去帶領觀眾感受《善惡》主題,而去思考作者背後所想,已成另一種全新體會。

 

 

Playtinite Studio建構獨特 3D 場景,配合其他技術, 既達至現實對正規展覽的要求,如作品之間間距、節奏、音樂運用等等,卻又完全超越現實場地界限,準確掌握觀眾與作品之間所需要的「距離」。

例如開始以現實展覽場館格式(包括場規告示),去令觀眾有一個心理準備,如此仔細展覽要求,務求可以獲得盡善盡美嘅觀展體驗,《善惡》已能成為「網上展覽」的一個絕好教材與指標。

 

 

個人 – 香港的《神曲》

Tik Ka from East

本就以中西文化、流行與藝術之間嘅融和而得而知名,就好似香港咁。義大利詩人但丁 (Dante Alighieri)所寫詩篇《神曲》,以虛幻地獄之旅借喻當時佛羅倫斯政局與自身迷惘。

借古羅馬詩人維吉爾(Virgil)之口,講出自己見解並作自身撿討,即佛家哲學所言嘅「觀照」。

《善惡》就如《神曲》,Tik Ka from East 就係但丁,就係維吉爾,亦都係你同我。

 

 

由開端[死亡筆記]引領你過「苦難之河」,經過地獄鬥爭回到人間回望前塵一刻我第一次被感動。人生在世心存忠義[關公]、回顧自己善惡[一拳超人]、最後一次偷望自己親[魔神英雄傳]友[聖鬥士星矢],終於樹下超越生死[銀河守護隊],涅槃。

 

 

「仙」、「神」都只是物質,只係無意義的追求。到「佛」之際,用作畫主題去令我有個心理準備拉回現世。一張「二維」[星戰]接「三維」[終極一戰],最終回到現實。

 

 

回想由展覽最初複雜背景開始,到中途以簡單形狀、色彩去襯托,到最後無景、無框、無修葺,放下一切,只有希望、初心、童真的一幅[叮噹]作結,回歸起點重新上路。我想法可能太過天馬行空,但看畫看藝術品就是主觀的感受作者想你感受的。

雖然展覽已經完結,而且詢問過製作方,短期內未計劃再辦,所以只能慶幸自己趕上「尾班船」。

不忘初心,珍惜獨特的我們。

 

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章