【遊戲新聞】台灣製作動物格鬥遊戲新作《動物之鬪・競技場》可四人線上對戰仲有新角色

 

台灣獨立遊戲工作室 Digital Crafter 又有新作!工作室土曾開發《眾神之鬥》(Fight of Gods)、《動物之鬪》(Fight of Animals)等帶有惡搞成份嘅格鬥 Game,由於題材有趣吸引,佢地嘅作品大受歡迎,由 PC 平台擴展到 NS 平台。佢地於 11 月 23 日公佈即將推出《動物之鬪》嘅續作《動物之鬪・競技場(Fight of Animals: Arena)》,預計 2020 年內上架,初期對應平台為 Steam。

 

 

《動物之鬪・競技場》繼續沿用《動物之鬪》出現過嘅一眾角色,不過就支援最多四人對戰|Local 對戰模式;動作輸入指令方面與前作大致一樣,今集加入例如二段跳、閃避等等嘅新動作,務求令戰鬥更具技巧性。

 

 

遊戲初期會提供十種動物角色,包括強力鉤拳狗、肌肉狐狸、兩足步行貓、烏鴉里拉、魔術師松鼠、肌肉白鯨、纖細貓咪等等,工作室表示會於日後更新裡面加入更多動物角色。

 

 

戰鬥場地設計多變,包括係榻榻米道場、冰原、叢林等。每個場地特徵各異,亦會因此出現唔同效果,例如於冰原上行走會滑腳、沼澤會降低移動速度等;除此之外,場地本身亦藏有不同陷阱,例如榻榻米下面會突然有貓拳飛出黎、冰原又會有冰柱從天而降。

每個場地都會出現「帶骨肉」,玩家可以將佢可扔出作為武器,亦可以食左佢;玩家仲可以抓住場上其他已被打倒嘅角色作為武器去攻擊對手!

 

 

工作室表示會分區設立 Server,玩家於建立房間時,可以設置玩家等級限制、參與人數、戰鬥模式、物品存在等等要素,亦可以進行團隊戰鬥,玩法非常多樣。

 

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章