又到左呼籲大家課金嘅時候！

Steam 平台即日開始進行「秋季特賣」，日期到 12 月 3 日為止（PST 時區早上 10 時截），多隻大家一定聽過大名嘅遊戲作品都以優惠價發售，例如係 Bandai 早前推出嘅「仿魂系」動作遊戲《CODE VEIN》亦做緊七折，特價 HKD243.6（原價 HKD 348）。

想知道《CODE VEIN》係一隻點樣嘅遊戲？大家亦可以【去埋呢度】參考 VJGamer 總編早前寫嘅評測文章。

除左「仿魂系」，真・魂系嘅《Dark Souls》系列亦有做緊優惠特賣，有興趣嘅朋友可以【按這裡】往專屬頁面。

如果你係鍾意動作遊戲嘅朋友，今年兩隻出色作品《SEKIRO 隻狼》以及《Bloodstained》都係特賣對象，前者做緊六五折，現售 HKD 258.7（原價 HKD 398）；後者做緊七折，現售 HKD 215.6（原價 HKD 308）。

編輯部曾為《SEKIRO 隻狼》撰寫評測，有興趣了解更多嘅朋友可以參考下：

【遊戲速評】《隻狼：暗影雙死》聽講隻 Game 好難玩 到底應唔應該買
【遊戲感想】解釋你聽點解好玩 神作《隻狼：暗影雙死》難得有道理

除左以上提到嘅遊戲，Steam 今次嘅特賣仲有好多精彩作品，各位朋友請準備好你嘅信用卡啦！